Android 16 : गुगलने घोषित केली अँड्रॉइड १६ ची रिलीज टाइमलाइन: जानेवारीत बीटा, तर मे पर्यंत उपलब्ध होणार स्थिर आवृत्ती

Android 16  : अनेक अँड्रॉइड स्मार्टफोन वापरकर्त्यांना अजूनही अँड्रॉइड १५ अपडेटची प्रतीक्षा आहे. अशातच गुगलने अँड्रॉइड १६ (Android 16) च्या रिलीजविषयी महत्त्वाची घोषणा केली आहे. अँड्रॉइड १६ चा पहिला सार्वजनिक बीटा जानेवारी २०२५ च्या शेवटी उपलब्ध होणार असून, मे २०२५ पर्यंत त्याची स्थिर आवृत्ती रिलीज होईल, अशी अपेक्षा आहे.

Android 16  : अनेक अँड्रॉइड स्मार्टफोन वापरकर्त्यांना अजूनही अँड्रॉइड १५ अपडेटची प्रतीक्षा आहे. अशातच गुगलने अँड्रॉइड १६ (Android 16) च्या रिलीजविषयी महत्त्वाची घोषणा केली आहे. अँड्रॉइड १६ चा पहिला सार्वजनिक बीटा जानेवारी २०२५ च्या शेवटी उपलब्ध होणार असून, मे २०२५ पर्यंत त्याची स्थिर आवृत्ती रिलीज होईल, अशी अपेक्षा आहे. त्यामुळे गुगलने आपल्या वार्षिक I/O डेव्हलपर कॉन्फरन्समध्ये अँड्रॉइड १६ चे अधिकृत अनावरण करण्याची शक्यता आहे.
अँड्रॉइड १६,(Android 16 ) हे केवळ तांत्रिक सुधारणांपुरते मर्यादित न राहता, वापरकर्त्यांच्या दैनंदिन अनुभवातही महत्त्वपूर्ण बदल घडवू शकते. यामध्ये पुढील पिढीच्या स्मार्टफोनसाठी एक नवा मापदंड स्थापित करण्याची क्षमता आहे. आता बीटा आवृत्तीच्या प्रकाशनानंतर, अँड्रॉइड १६ च्या नव्या वैशिष्ट्यांबद्दल अधिक माहिती येत्या काळात पुढे येईल.

पिक्सेल १० मालिका अँड्रॉइड १६ (Android 16) सह येण्याची शक्यता

पिक्सेल ९ मालिकेला अँड्रॉइड १४ सह लाँच केल्याप्रमाणे, पुढील पिढीची पिक्सेल १० मालिका अँड्रॉइड १६ सह येण्याची शक्यता आहे. गुगलने अलीकडेच पिक्सेल स्मार्टफोनसाठी अँड्रॉइड १६ चा दुसरा डेव्हलपर प्रिव्ह्यू रिलीज केला आहे. तसेच, पहिला सार्वजनिक बीटा वनप्लस, ओप्पो, व्हिवो, शाओमी आणि इतर ब्रँडच्या OEM डिव्हाइसेससाठी देखील उपलब्ध होईल.

ही आहेत अँड्रॉइड १६ चे वैशिष्ट्ये (Android 16 )

अँड्रॉइड १६, ज्याला “बाकलावा” (Baklava) असे सांकेतिक नाव देण्यात आले आहे. हे वापरकर्ता अनुभव आणि सिस्टम UI सुधारण्यासाठी डिझाइन केलेले आहे. नवीन अपडेटमध्ये डेव्हलपर्ससाठी अधिक लवचिकता प्रदान केली जाते, ज्यामुळे अॅप्स नियंत्रित करणे आणि कॉन्फिगर करणे अधिक सुलभ होते. त्यामध्ये काही महत्त्वाच्या सुधारणा समाविष्ट आहेत. यामध्ये प्रामुख्याने प्रेडिक्टिव्ह बॅक सिस्टमसाठी नवीन अॅनिमेशन समृद्ध हॅप्टिक फीडबॅक, याशिवाय, बॅटरी बचतीसाठी अ‍ॅडॉप्टिव्ह रिफ्रेश रेट क्षमतांमध्ये सुधारणा केल्या जातील. कनेक्टिव्हिटी आणि नेटवर्किंगशी संबंधित कार्यक्षमता देखील आणखी वाढवली जाईल.